پنجابی عارفانہ کلام
آقاﷺ دی غلامی والا پٹّا گَل پا لیا
دوزخ دی اگ کولوں پِچھا چُھڑوا لیا
مدنیﷺ دے در اُتے پہنچنا سی مُشکل
رو رو کے اساں سوہنے رب نوں منا لیا
میرے جیہا عاصی کِتھے طیبہ دیاں گلیاں
سمجھ نئیں آندی مینوں کیویں بُلوا لیا
اکھاں نال چُمی جد طیبہ دی میں دھرتی
رب دیاں رحمتاں نے سینے نال لا لیا
دل دی آواز اِکو؛ طیبہ رہ جاواں میں
واپس نہ ٹوریں مینوں سوہنے طیبہ والیا
ویکھ ویکھ روضہ اکھ رجدی نہ دل اے
تن دیاں لوواں نوں وی چشمہ بنا لیا
راہ کیویں بھُلدا میں طیبہ ول جان دی
میں تے سی پِیر اپنا اگے اگے لا لیا
محبوب احمد شاہ
No comments:
Post a Comment
Note: only a member of this blog may post a comment.