جدید پنجابی شاعری
دل دی اج سناواں بات
رک جاوے جے اج دی رات
اج تک اوہنوں ٹپ نہ سکی
میرے لئی اوہ پل صراط
پل پل ایویں لنگ دا جاوے
چڑھیا دن تے گئی رات
ذاتان شاتان میں کی جاناں
بس اک سوہنے رب دی ذات
سُولاں کندھاں پتھراں تائیں
لنگ جا دے کے سب نوں مات
تیرے باجوں سجنا ہو کے
ایویں ٹُر جانی برسات
دل دے وہڑھے تنبو لا کے
غم دی آ بیٹھی بارات
توں جے سجناں غم وی دیویں
ساڈے لئی اوہ وی سوغات
رضوانہ سحر ہاشمی
No comments:
Post a Comment
Note: only a member of this blog may post a comment.