جدید پنجابی شاعری
رنگ غلامی دے وچ رنگیاں سب درباری سوچاں
زندہ قوماں دا کم نہیں جے ایہ بازاری سوچاں
کنے دن ہو گئے کوئی سجرا شعر نہیں ہویا
کنے دن نیں ہو گئے مینوں واج نہیں ماری سوچاں
ذہن دی کندھ تے ون سونے پہلاں مصرعے اگے
فر حُسناں دی بھاگ بھری تے غزل اساری سوچاں
میرے کولوں دور ای لے جا نفرت دے وچ پلیاں
میرے وارے نہیوں بیبا ایہ دو دوھاری سوچاں
اک فقیر دعا جد دتی شالا خشیاں مانیں
پچھلی لنگھی ساری اگے آن کھلاری سوچاں
زین جٹ
No comments:
Post a Comment
Note: only a member of this blog may post a comment.