جدید پنجابی شاعری
پیار وچ ہوندی نہیں رہائی میرے دوستا
بچ جا توں اہندے چے بھلائی میرے دوستا
شہر سارا اگ دی لپیٹ وچ آگیا
شہر وچ اگ کہنے لائی میرے دوستا
ہر کسے روگ دی دوائی لبھ جاندی اے
لبھدی نہیں بھکھ دی دوائی میرے دوستا
ساڈے نال پائیاں ای جدائیاں کہڑی گل توں
کہنے تینوں پٹی اے پڑھائی میرے دوستا
ہوندا نہیں لڑائی وچ فیدہ کسے دھر دا
چنگی تے نہیں ہوندی اے لڑائی میرے دوستا
وزیر راجہ
No comments:
Post a Comment
Note: only a member of this blog may post a comment.