جے تُوں مرزا ہُندوں رانجھیا
تے میں تَتڑی زہر نہ پَھکدی
ساڈے پیار دی سانجھی پینگ نُوں
بھیڑیا موت وی توڑ نہ سَکدی
تیری کَڑی کمان دے مان تے
تُوں کھیڑیاں نُوں بیبا سِجدوں
میں سیالاں نال نہ جٹھدی
تُوں بھانبڑ بَن کے مَچدوں
میں ہَنیری بَن کے جُھلدی
میں ویکھدی میرے ہَتھ دی
گَنڈ کسے تُوں کیویں کُھلدی
جے تُوں مرزا ہُندوں رانجھیا
وے میں خَورے کیہ کُجھ کَردی
نہ تُوں بِن آئیوں مَردوں
نہ میں بِن آئیوں مَردی
احمد راہی
No comments:
Post a Comment
Note: only a member of this blog may post a comment.