میں کملی جوگن یار دی
ساڈا ہور تے مُرشد کوئی نہ
رُوح اندروں چِیکاں ماردی
ایس جگ تے سُنڑدا کوئی نہ
میری اُلجھی ڈور حیاتی دی
ایہنوں بُنڑدا بَنڑدا کوئی نہ
جیہڑے پھُل ٹہنیوں ٹُٹ جاندے
اوہناں پھُلاں نوں چُنڑدا کوئی نہ
میں دھاگے بنھ بنھ تھک گئی
ہتھ چُوڑی بنھدا کوئی نہ
میری مانگ چہ چانن آ وڑیا
میرے ویہڑے چانن کوئی نہ
تیرے باہجوں سچے سائیاں وے
ساڈی دھاڑ کوں سُنڑدا کوئی نہ
نامعلوم
No comments:
Post a Comment
Note: only a member of this blog may post a comment.