مرزا غالب دی شاعری دا منظوم پنجابی ترجمہ
میرے شوق دا نہیں اعتبار تینوں، آ جا ویکھ میرا انتظار آ جا
ایویں لڑن بہانڑے لبھنا ایں، کیہ توں سوچنا ایں ستمگار آ جا
بھانویں ہجر تے بھانویں وصال ہووے، وکھو وکھ دوہاں دیاں لذتاں نیں
میرے سوہنیا جا ہزار واری، آ جا پیاریا تے لکھ وار آ جا
ایہہ رواج اے مسجداں مندراں دا، اوتھے ہستیاں تے خود پرستیاں نیں
مے خانے وِچ مستیاں ای مستیاں نیں، ہوش کر، بن کے ہُشیار آ جا
تُوں سادہ تے تیرا دل سادہ، تینوں اینویں رقیب کُراہ پایا
جے تُوں میرے جنازے تے نہیں آیا، راہ تکدا تیری مزار آ جا
سُکھی وسنا جے تُوں چاؤنا ایں میرے غالبا ایس جہان اندر
آجا رنداں دی بزم وِچ آ بہہ جا، ایتھے بیٹھ دے نیں خاکسار آ جا
صوفی غلام مصطفیٰ تبسم
کلام؛ مرزا غالب
No comments:
Post a Comment
Note: only a member of this blog may post a comment.