جدید پنجابی پوٹھوہاری شاعری
پہلے پیار دی چس نہیں جاندی
چڑھ کے فیر ایہہ کس نہیں جاندی
دل توں نہیں ہٹنا ایہہ ہُسڑ
بدلی جد تک وس نہیں جاندی
موجاں ماندی ہے دریا وچ
مچھی جد تک پھس نہیں جاندی
ست سمندر پی لئے فیر وی
کیوں مِٹی دی تس نہیں جاندی
عشقے نہیں چھڈنا اِس دل نوں
عقل جدوں تک نس نہیں جاندی
نِیندر نہیں آنی سدھراں نوں
جد تک سپنی ڈس نہیں جاندی
لڑ کے ہر واری کیوں پیکے
نُونہہ جاندی ہے سس نہیں جاندی
سورج نے ڈُبنا نہیں جد تک
اوہ کھڑکی وچ ہَس نہیں جاندی
علی ارمان
No comments:
Post a Comment
Note: only a member of this blog may post a comment.