جدید پنجابی شاعری
اگ توں پُچھو لنبو کیہ اے
اکھ ای جانے اتھرو کیہ اے
پہلاں اوہدیاں اکھاں ویکھ
ویکھ کے دس فر جادو کیہ اے
کالج پڑھدی پڑھ نہ سکی
چھابا کیہ اے چھِکو کیہ اے
نھیرے پلے پئے گئے جس لے
قدر ہوئی کہ جگنو کیہ اے
عشق دے ویڑھے آ تے ویکھ
بُلہا کون ایں گھنگھرو کیہ اے
میں سنگھیاں نیں اوہدیاں ساہنواں
میتھوں پچھو خشبو کیہ اے
غربت نال ویاہی کیہ جانے
ور کیہ ہوندا سالو کیہ اے
تیرا جس لے ٹھپیا جانا
فر سمجھیں گا مکو کیہ اے
علی احمد گجراتی
No comments:
Post a Comment
Note: only a member of this blog may post a comment.