جدید پنجابی شاعری
جتھے رہناں او وی ڈیرہ میرا نئیں
بھانویں پکا اے رہن بسیرا
نہ میں تارے توڑے، ڈھائے نہ رولے
لوکاں وانگوں ہتھ لمبیرا میرا نئیں
ہاں میں پیریں بھکھ دے گھنگھرو پائے سن
پر ایہہ تھاں تھاں ناچ نچیرا میرا نئیں
میں تے اپنا آپ وی رج کے نئیں تکیا
اینیاں اکھاں والا چہرہ میرا نئیں
میرے ناں دا چٹا کاغذ چٹا رکھ
کالا پیلا شام سویرا میرا نئیں
دل دی ٹھک ٹھک ساہ دی سر سر اکھ دے رنگ
جو کجھ میرے کول ہے میرا میرا نئیں
لوکی پتر توڑی جاندن توڑی جان
ساویاں رُکھاں ہیٹھ ہنیرا میرا نئیں
اقبال رمیض
No comments:
Post a Comment
Note: only a member of this blog may post a comment.