جدید پنجابی شاعری
ہر ہر پیر تے دِسدا ٹویا تاں کیہ ہویا
پیرِیں اوکھا سفر جے ہویا تاں کیہ ہویا
اوہنوں کوئی مجبوری وی ہو سکدی اے
مینوں ویکھ جے بُوہا ڈھویا تاں کیہ ہویا
اوہنے روون دے لئی میرا موہڈا چُنڑیا
بھانویں غیراں دے لئی رویا، تاں کیہ ہویا
جان کسے تے وارنا نِکی گل نئیں ہُندی
میں جے اپنی موت نئیں مویا تاں کیہ ہویا
میں مچھیاں نوں اپنے ماس دا عادی کیتا
کاہنوں مائیے یار گڈویا تاں کیہ ہویا
دل ٹُٹے تے سرور ہر کوئی رو پیندا اے
میں ہنجواں دا ہار پرویا تاں کیہ ہویا
سرور خان سرور
No comments:
Post a Comment
Note: only a member of this blog may post a comment.