پنجابی عارفانہ کلام
لج پال ادا والی امت دا امت دے درد درد ونڈاؤندا اے
رو رو کے اپنے مولا توں اساں عاصیاں نوں بخشاؤندا اے
اج گھر والے گھر آوناں ایں عرشاں تے قدم ٹکاوناں ایں
میرا مولا اپنے یار لئی عرشاں نوں آپ سجاؤندا اے
دربار خدا وچ بے خبرو اوہ سوہناں والی امت دا
خوشیاں دے ویلے رو رو کے امت نوں بری کر اوندا اے
جہنوں جگ سارا درکار دیوے اوہ آ جاوے در سوہنے دے
ٹھکرائے ہوئے دنیا دے میرا سوہنا سینے لاوندا اے
ایتھے گل نیں یا سفارش دی ایتھے یار دی مرضی چلدی اے
اوہ جس نوں چاہوے کول اپنے بس گھڑیاں وچ بلاوندا اے
جاواں صدقے نیازی ہر ویلے سوہنے دیاں بے پرواہیاں
توں کتنے فرقت وچ تڑپاؤندا اے کتے جا جا دید کر اوندا اے
عبدالستار نیازی
No comments:
Post a Comment
Note: only a member of this blog may post a comment.