جدید پنجابی شاعری
رِیجھاں اپنیاں مار کے رویا
ساہ دی بازی ہار کے رویا
ہیر دی خاطر بیلے دے وچ
رانجھا مجاں چار کے رویا
یار نہیں لکھیا لیکھاں وچ
پیار اچ عمر گذار کے رویا
حسن تیرے نے کملا کیتا
تیری زُلف سنوار کے رویا
ہجر نہ چھڈے ککھ کلی دا
تن من یار تے وار کے رویا
کھیت نوں رت پلا کے یارو
اُجڑیا ویکھ کے مالی رویا
ویکھ کے جھولی خالی رویا
کنکاں چُک کے حالی رویا
محمد سلیم
No comments:
Post a Comment
Note: only a member of this blog may post a comment.