جدید پنجابی شاعری
دنیا جدوں نہ دے سکی جیہڑا میرا مقام سی
تاہیوں تے ہتھ نوں جوڑ کے اس نوں کیتا سلام سی
پورا گھراں سی کہہ ریا؛ من لے جو کہندا اے چوہدری
کاہنوں میں مندا ہر اوہدی، کہ میں اودھا غلام دی
کر کے کشید خون چوں، اتھرو میں پیندا مر گیا
میرے جیہے بُزدلاں لئی ساقی، نہ دارو جام سی
اندھراتیاں دی واٹ تے کیویں میں اکھاں کھولدا
جنی ڈراونی پو پھٹی، اس توں ڈراونی شام سی
دنیا جہاں دی رہ بری کیویں میں کردا دوستو
انہاں میرا استاد سی، کانڑاں میرا امام سی
سجدے بغیر پا لئے متھے چٹاک نام دے
طمیاں دے وچ رکوع رئے، لوبھاں دے وچ قیام سی
آہاں دی پارٹی پس گئی، سدھراں دی ساری چھٹ چھڑی
زاہدے میں رج کے رو لیا، سنڑ لئے جو اودھے دام سی
زاہد جرپالوی
No comments:
Post a Comment
Note: only a member of this blog may post a comment.