جدید پنجابی شاعری
جھولی پا کے ڈھیرخسارے سوچ ریاں
لے گیا کون منافے سارے سوچ ریاں
اوہدے لائق کیہڑا تحفہ بن دا اے
پھل بھیجا یا چن ستارے سوچ ریاں
بد رنگی کنج رنگ تے غالب آئی اے
گولا بیگی شاہ توں بھارے سوچ ریاں
کتھے میری چال کچالی ہوئی اے
دُکیاں تھلے یکے ہارے سوچ ریاں
لوکاں وانگوں پاگل او وی کہندا سی
اوہنے کیوں نئیں پتھر مارے سوچ ریاں
اپنے بارے سوچن دی کجھ فرصت نئیں
اج کل بوہتا اودے بارے سوچ ریاں
سر نئیں لگدی الفی کنج سمیٹاں میں
ہتھیں پا کے آپ کھلارے سوچ ریاں
افتخار حسین الفی
No comments:
Post a Comment
Note: only a member of this blog may post a comment.