جدید پنجابی شاعری
ماں کہندی سی
بھین بھرا نہیں چھڈے جاندے
نُونہاں نالوں ماس کدی وی وکھ نہیں ہوندا
کلیاں رہ کے ککھ نہیں ہوندا
دل کنبے وچ قید نہ ہووے
اینا خون سفید نہ ہووے
نال دا جمیا نال نہ ہووے
ایڈا مندا حال نہ ہووے
روٹی دے وچ سیر نہ ہووے
سکے دے تن لیر نہ ہووے
کھچ نہ ہووے، سانجھ نہ ہووے
جیون اینا بانجھ نہ ہووے
ماں کہندی سی
ماں دا کہنا ٹھیک سی خورے
پر اوہ بھولی ماں کیہ جانے
تیلا تیلا کر کے جوڑے
لیڑے، لتے، اِٹاں روڑے
کنج گلیڈو بھر چھڈدے نیں
کھیرو کھیرو کر چھڈدے نیں
جی اے نجم
غلام عباس نجم
No comments:
Post a Comment
Note: only a member of this blog may post a comment.