جدید پنجابی شاعری
جاندے جاندے یار کھلوتا ویکھ ریاں
تاں میں پبّاں بھار کھلوتا ویکھ ریاں
میری منزل کی ایہہ مینوں دسّو وی
میں راہواں وِچکار کھلوتا ویکھ ریاں
وِیرے ویکھ رہے نیں گھر دیاں ونڈاں نوں
میں پیؤ دی دستار کھلوتا ویکھ ریاں
خورے کیڑیاں گلاں دا پچھتاوہ اے
خورے کیوں دیوار کھلوتا ویکھ ریاں
میں دُنیا دے وانگ عشارب دُنیا نوں
بن کے دُنیادار کھلوتا ویکھ ریاں
عشارب ہاشمی
No comments:
Post a Comment
Note: only a member of this blog may post a comment.