جدید پنجابی سرائیکی شاعری
کے توڑیں کوئی جیندا ھ کہیں دے ملال نال
ڈکھ وی پرانڑاں تھی ویندے قبراں دے نال نال
دوزخ تھوں سن ڈریندے ہو، کملا بنڑیندے ہو؟
ما کتھاں ڈیکھ سگدی ھ بھا اپنڑے بال نال
بس عقل کہیں نوں وڈا کریندی ھ، عمر نئیں
انسان چھوٹا تھیندا ھ ہر آندے سال نال
توں اپنڑے نال ٹوری ودئیں ایرے غیرے لوک
نم ساہندا میں تاں چھیڑو وی کُئی تیڈے مال نال
کھل نئیں جو کوئی روندے تاں وڈے الا نہ مار
کُئی وی ٹھگیچ سگدئے محبت دی چال نال
بس فرقے وکھرے وکھرن، ثقافت تاں ہکا ھ
روزے نمازاں نا سہی، جھمراں سئی نال نال
عادل مسات اہدا وی ہا احتیاط کر
اے عشق سادے لوکاں دا کم نیہی، خیال نال
افکار علوی
No comments:
Post a Comment
Note: only a member of this blog may post a comment.