پنجابی سرائیکی شاعری
درختیں شام کوں ہک بئے کوں میٹنگ کال کیتی ہے
پکھیں اج گھر دو آون دی ولا ہڑتال کیتی ہے
اندھارے روشنی کوں قید کر کے ڈانس وچ ہن پئے
اُنہیں دی گال تھی گئی ہے اُنہیں خود گال کیتی ہے
مصور آرٹ کوں بھینگا بنڑا کے برش بھن چھوڑئیے
اساں تصویر کوں اج ڈیکھ کے پڑتال کیتی ہے
اِتھاں گھر آپنی بے پردگی کوں ڈیکھ کے رو پئے
حیا خود اپنڑے چہرے تے پرانی شال کیتی ہے
اے بئی گال ء اساں اپنی غریبی دے بھنور وچ ہائیں
اساں اپنی غزل مقصد توں مالا مال کیتی ہے
اقبال سوکڑی
No comments:
Post a Comment
Note: only a member of this blog may post a comment.