پنجابی سرائیکی شاعری
جڈاں نفرت جواں تھیوے محبت بار لگدی اے
ہوس دے قید خانے وچ نصیحت بار لگدی اے
جڈاں وی اوُپریاں رسماں سماں ویندین سماجیں وچ
گناہ ہلکے نظردے ہن عبادت بار لگدی اے
جتھاں ہتھاں دے چھالے وی لکیراں نئ بدل سگدے
غلامی جُرم نئیں بنڑدی قیادت بار لگدی اے
جڈاں مظلوم لوکیں تے ستم منظر تے نئیں آندا
پیچھے ہر جاہ عدالت وچ شکایت بار لگدی اے
جیندے جذبے خاموشی توں صدا ڈے کے پناہ منگدین
ایہو جیئں نوجوانیں کوں اِمامت بار لگدی اے
ایتھاں محسن سارے ہامی جاگیراں دی غلامی دے
ایتھاں تاں بے ضمیریں کوں صداقت بار لگدی اے
بلال محسن
No comments:
Post a Comment
Note: only a member of this blog may post a comment.