پنجابی سرائیکی شاعری
توں آہدیں میڈی شاہی سلامت راہوے
توں آہدیں ظلم دی انتہا رہ ونجے
توں آہدیں چارچودھار بھاء رہ ونجے
توں آہدیں لوک بھاء وچ پجلدے راہون
توں آہدیں نت جنازے نکلدے راہون
توں آہدیں روز راہی لٹیندے راہون
توں آہدیں اے ستم روز تھیندے راہون
توں آہدیں رات کالی سیاہ رہ ونجے
توں آہدیں لوکیں دے لب تے آہ
توں آہدیں سچ دا سجھ نہ ابھارے کوئی
توں آہدیں سچ دی کندھ نہ اسارے کوئی
توں آہدیں سجھ ابھرسی تاں ڈینہہ تھی ویسی
توں آہدیں وت بیا کوئی شینہہ تھی ویسی
توں آہدیں روز توڑے قیامت راہوے
توں آہدیں میڈی شاہی سلامت راہوے
جمشید ناشاد
No comments:
Post a Comment
Note: only a member of this blog may post a comment.