جدید پنجابی شاعری
چج دی جے کوئی گل سمجھاوے بسم اللہ
جے کوئی سدھی راہ تے لاوے بسم اللہ
کوئی تے ہسدا وی مینوں دِسے نا
میتھوں ماڑا رج کے کھاوے بسم اللہ
مرنا اے نا اک کسے نے مر لاں گے
تیری آئی مینوں آوے بسم اللہ
کڑمی بھکھ نوں دھکے تے نئیں دے سکدا
اپنا گھر سُو آوے جاوے بسم اللہ
میں اوہدے توں ناں ای اوہدا پچھیا اے
دسے بھاویں بُوٹی لاوے بسم اللہ
تجمل کلیم
No comments:
Post a Comment
Note: only a member of this blog may post a comment.