جدید پنجابی شاعری
گلاں کچیاں کچیاں میریاں نے کر چھڈیا پختہ نوں ہور پختہ
دل طلب کیتا جیوں جیوں اوس کولوں ہوندا گیا اوہ دلاں دا چور پختہ
ہن سی وی کیتیاں شرم آوے کدے عادتاں سن فریاد دیاں
کھا کھا کے چوٹ تے چوٹ آخر میرا ہو گیا دل کمزور پختہ
اوہنوں ٹردیاں ویکھ کے کھان ٹھوکر اُکھڑ پختہ دلاں دے پیر جاون
اوہ پائے جیہڑے پائے قدم پختہ اوہ ٹرے جیہڑی ٹرے ٹور پختہ
میرا نام سننائیں ناگوار اوہنوں رو سیاہ رقیباں دا برا ہووے
اوس کنّاں دے کچے نوں کر گئے نے کول کول بہہ بہہ کے چغل خور پختہ
ہل گور میری اتے پھیر کے تے اوہناں زمیں دے نال ہموار کیتی
پختہ مینوں یقین سی جنہاں اتے میری فضل بنان گے گور پختہ
پیر فضل گجراتی
No comments:
Post a Comment
Note: only a member of this blog may post a comment.