جدید پنجابی شاعری
اوہدی جت نوں ہار بنا کے سوچ رہی ہاں
اوہدی اکھ دا وار بچا کے سوچ رہی ہاں
گھر آئے دی پت لاہنی وی ٹھیک نہ ہندی
ایہہ گل اوہنوں گھرے بلا کے سوچ رہی ہاں
ویلا میرا بنڑدا اے جاں ہور کسے دا
ویلے نال میں متھا لا کے سوچ رہی ہاں
دل دی گجھی آکھاں جاں نہ آکھاں اوہنوں
اوہنوں اپنے کول بٹھا کے سوچ رہی ہاں
خبرے کدھرے جیون وچ کم ہی آ جاوے
موڈھے اتے دار اٹھا کے سوچ رہی ہاں
خاور راجا
No comments:
Post a Comment
Note: only a member of this blog may post a comment.