رنگ وطن: اسلم شوق

Showing posts with label اسلم شوق. Show all posts

Thursday, 5 March 2026

جدید پنجابی شاعری

جنتاں دی چھاں نُوں رب جئے ناں نُوں

دُکھی ہوواں جد میں یاد کراں ماں نُوں

روندا مینوں ویکھ کے اوں لوریاں سناؤندی سی

وار وار مرچاں او چُلھیاں اچ پاندی سی

راتی اُٹھ تکدی سی سون والی تھاں نُوں

دُکھی ہوواں جد میں یاد کراں ماں نُوں

جدید پنجابی شاعری

ہاسے ٹھٹھے ہو جاندے نیں

جذبے مٹھے ہوجاندے نیں

نئیں ہوندے تے سادھ نئیں ہوندے

چور تے کٹھے ہوجاندے نیں

اسلم شوق

جدید پنجابی شاعری

دم درود دعا دے پیسے

رب دی صفت ثنا دے پیسے

ملاں دی تنخواہ دے پیسے

راتیں توڑ مسیت دا تالا

لے گئے چور خُدا دے پیسے

دکھوں کرن اگاہ دے پیسے