رنگ وطن: نبیل نابر

Showing posts with label نبیل نابر. Show all posts

Wednesday, 8 April 2026

جدید پنجابی شاعری

رب توں وی نہیں ڈردے جہڑے

لوک ظلم نیں کردے جہڑے

اوہ بیلی فر کاہدے بیلی

سکّے ہوون زر دے جہڑے

اوہناں اُتے مان سی تینوں

گھر نوں وڑ گئے، ڈردے جہڑے

جدید پنجابی شاعری

پلّو نوں سرکایا جاوے

درشن تے کروایا جاوے

وعدہ اودوں وعدہ ہندا

جسلے توڑ نبھایا جاوے

ایسے دسترخوان تے لعنت

بھکھا سوں ہمسایا جاوے

جدید پنجابی شاعری

مینوں جس دن وِسار دیوے گا

قسمیں جانوں ای مار دیوے گا

میں تے اوہدا فضول ویلا واں

مینوں ہس کے گزار دیوے گا

پہلے ٹورے گا راستہ دے کے

فیر راہواں چ مار دیوے گا

جدید پنجابی شاعری

سبھ توں وکھرا لگدا اے

تاں تے چنگا لگدا اے

تیرا جد دا بنیا واں

ہر کوئی اپنا لگدا اے

ہس کے ماں نہ بولے تے

رب وی رُسیا لگدا اے