جدید پنجابی شاعری
اِک سجناں دے ناں ورگا نہیں کوئی
دوجا اوس گراں ورگا نہیں کوئی
سبھ چھاواں ای ودھ توں ودھ نیں فِر وی
سُکھ زُلفاں دی چھاں ورگا نہیں کوئی
ہنس کبوتر کیہ نیں ساڈے لئی تے
اوہدے پِنڈ دے کاں ورگا نہیں کوئی
تھل ورگا جے نہیں کوئی ساڑن والا
ڈوبن وچ چنہاں ورگا نہیں کوئی
کوٹھی بنگلا محل کیوں نہ ہووے
دل وچ لبھی تھاں ورگا نہیں کوئی
سنگھیاں گُھٹے لوبھ ای کھوہ وچ سُٹے
بھیڑا ایس بلاں ورگا نہیں کوئی
صابر اُٹھ تے وڈے حاتم تائیوں
سخی مجھ تے گاں ورگا نہیں کوئی
لَکھ بنا پر سندھو چیتے رکھیں
رشتہ پیو تے ماں ورگا نہیں کوئی
ارشاد سندھو
No comments:
Post a Comment
Note: only a member of this blog may post a comment.