جدید پنجابی شاعری
خوشبواں تے رنگاں دا
وکھرا دھرم ملنگاں دا
قتلِ عام توں ڈردے نیں
ناں نئیں لیندے جنگاں دا
روحاں سُن کے کنبیاں نیں
شور شرابا بمباں دا
سو تلوار توں چنگا اے
اِک چھنکارہ ونگاں دا
پنچھی ماتم کردے نیں
اُڈدے ہوئے کھمباں دا
ساہوکار ای قاتل اے
ساڈیاں چار امنگاں دا
دوہاں پاسے حاوی اے
موسم بُھکھاں ننگاں دا
یار حکیما درد ونڈا
ٹوٹے ہوئے انگاں دا
خوشبواں تے رنگاں دا
وکھرا دھرم ملنگاں دا
حکیم احمد نعیم ارشد
No comments:
Post a Comment
Note: only a member of this blog may post a comment.