جدید پنجابی شاعری
جو بول زبانوں نکل گیا
اوہ تیر کمانوں نکل گیا
میں دل وچ اوہنوں لبھنا واں
اوہ دور اسمانوں نکل گیا
خواباں نہ تک، خواباں بدلے
یوسف کنیانوں نکل گیا
ہمدرد کنارے بن بیٹھے
جد میں طوفانوں نکل گیا
میں گھر دی اگ لکاؤندا ساں
دھوں روشندانوں نکل گیا
جو غیر لئی تپ اٹھدا سی
اوہ لہو شریانوں نکل گیا
کاشر توں ہن کی پچھدے ہو
جد درد بیانوں نکل گیا
سلیم کاشر
No comments:
Post a Comment
Note: only a member of this blog may post a comment.