جدید پنجابی شاعری
میرے پنڈ توں شہر تیرے تک
پھردی اے اک لہر تیرے تک
منزل نسدی نسدی نسدی
آ کے جاندی ٹھہر تیرے تک
ویکھیں اکھ دے نِیر نہ سمجھیں
وگدی پئی اے نہر تیرے تک
آپنا درد میں آپے پیتا
اون نہیں دِتا زہر تیرے تک
میرے ساہ نوں کم نہ کوئی
تریائے اٹھے پہر تیرے تک
طارق دا ایہ جھلا پنڈ وی
تُریا جاندائے شہر تیرے تک
طارق گجر
No comments:
Post a Comment
Note: only a member of this blog may post a comment.