جدید پنجابی شاعری
پنچھیاں دا دھرم؛ اُڈاری
اسیں کون آں؟
کتھوں آئے آں
تے کتھے چلے آں؟
کجھ پتہ نئیں
سانہوں ایناں پتہ اے
وچھڑی کونج وانگوں
اسیں وی کدھرے
پچھے رہ گئے آں
ساڈے ہر سوال دا جواب
سمے دی راہ تے کھلوتا
بڑے چاہ نال سانوں اڈیکدا اے
ساتھیاں، تے منزل تک پہنچن لئی
دین دھرم دیاں فکراں نوں
دل وچوں کڈھنا پینا اے
سب توں پہلاں کھمب جھاڑ کے
اگے ودھنا پینا اے
اقصیٰ گیلانی
No comments:
Post a Comment
Note: only a member of this blog may post a comment.