جدید پنجابی شاعری
بختاں ہتھوں ہارے پھردے
تھاں تھاں تے دکھیارے پھردے
نکے ہوندیاں ویکھے سن میں
گلی گلی ونجارے پھردے
بہن کے ٹھڈھ تے اٹاں وٹے
ویکھے بھکھاں مارے پھردے
کل سن جیہڑے بختاں والے
اج او لیکھوں ہارے پھردے
مدت ہوئی مڑ نئیں ویکھے
اسماناں تے تارے پھردے
سڑکاں اُتے رُوڑیاں کُٹدے
ماں دے راج دلارے پھردے
زاہد سینے پیڑ پئی اے
سر نُوں سُٹ کے پیارے پھردے
زاہد شمسی
No comments:
Post a Comment
Note: only a member of this blog may post a comment.