جدید پنجابی شاعری
مجبوری وچ قسم بُھلانی پے گئی اے
اوہدے دل وچ رات لنگھانی پے گئی اے
امبراں اُتے بیٹھا ویکھ رہیا ایں ناں
لوکاں اگے سِیس نوانی پے گئی اے
فیر اج اوہدی یاد سرہانے آ بیٹھی
فر نیندر دی گولی کھانی پے گئی اے
ٹھردی رات چ کڈھ کے خط الماری چوں
انگیٹھی وچ اگ پخانی پے گئی اے
مدت باجھوں اج کسے دے آکھن تے
ہسدے ہوئے تصویر کھچانی پے گئی اے
طلحہ بن سہیل
No comments:
Post a Comment
Note: only a member of this blog may post a comment.