وہم گمان یقین کھڑے وچکار نیں سارے

 جدید پنجابی شاعری

ارلے پاسے میں ہاں اوہ ہے پرلے پاسے 

وہم گمان یقین کھڑے وچکار نیں سارے 

ہر اتوارے آؤن دا کہندا اے آؤندا نئیں پر

میرے لئی تے اکو جئے اتوار نیں سارے 

یار عطا جی ایتھے اکھاں کھول کے ٹرنا

یاراں کڈھے ٹوئے جو وچکار نیں سارے 

پہلا کم نہیں سنوردا حالی ہور وگاڑ کے بہہ جانے آں

 پہلا کم نہیں سنوردا حالی ہور وگاڑ کے بہہ جانے آں

اپنے ہتھیں بیجی ہوئی فصل لتاڑ کے بہہ جانے آں

مُک گئی برکت ہتھ چوں ساڈے ہُن تے عجب نحوست چھائی

پُھل کلیاں نوں پاون دے لئی باغ اُجاڑ کے بہہ جانے آں

جد تک کول رہوے تے جھولی بھری بھرائی رہندی ساڈی

ٹُر جاوے تے اسیں نمانے پلا جھاڑ کے بہہ جانے آں

شیشے دے نیں پر تے آلنا پتھراں دا

جدید پنجابی شاعری

 شیشے دے نیں پر، تے آلنا پتھراں دا

اوکھا شیشے سنے سنبھالنا پتھراں دا

بے درداں نوں درد سنانا ایسراں ایہہ

جسراں دیوے اُتّے بالنا پتھراں دا

جیہڑا خالق جگنو پُھل تے تتلی دا

ایوی جانے کسراں بالنا پتھراں دا

جھولی بھر کے دکھ دتے نیں

جدید پنجابی شاعری

جھولی بھر کے دکھ دتے نیں 

ساری گل اے جان پچھان دی 

کاہنوں ہور بنائی جانویں 

قیمت ککھ نہ اج انسان دی 

اپنے ای گھر نوں لا بیٹھا واں 

وحشت سی بس اگاں لان دی 

عطا العزیز

میں تے دنیا دار ہاں دنیا داری کرناں

 جدید پنجابی شاعری

میں تے دنیا دار ہاں، دنیا داری کرناں

دینداراں دے وانگوں کد مکاری کرناں

ایہہ تے دَسدے ادھا، ادھا سچ لکا لیندے

میں جو جھوٹی سچی کرناں، ساری کرناں

ساری رات میں گھپ ہنیرے نال ہاں لڑدا

مرن توں پہلاں فر میں فجراں جاری کرناں