جدید پنجابی شاعری
شعر سچا تخلیق نئیں ہویا
میتھوں ہالے تیک نئیں ہویا
انج تے نئیں سی ہونا چاہی دا
جو وی ہویائے ٹھیک نئیں ہویا
ایہہ جویں پئے لوگ نیں دسدے
انج میرے نزدیک نئیں ہویا
ہکو سجن سی اج تائیں اوہ وی
دُکھ سُکھ وچ شریک نئیں ہویا
اوس تے اثر تاں ذرہ بھر وی
سُن کے میری چیک نئیں ہویا
ساغر اج تائیں تاں کسے توں
مسئلہ حل دقیق نئیں ہویا
ساغر ہاشمی
No comments:
Post a Comment
Note: only a member of this blog may post a comment.