جدید پنجابی شاعری
دل دے داج لئی رتے اتھرو
میں پلکاں تے کتے اتھرو
خواباں نوں کی گھوری پائی
سر تے چڑھ کے لتھے اتھرو
میں راتاں دی کالک کارن
وچ دیوے دے گھتے اتھرو
ساڈی نیندر ڈوہلی او! نا
شالا لگنی متھے اتھرو
مٹی دو دریا ملدے نیں
ٹھڈے ساہ تے تتے اتھرو
جس لئی منگیاں ستے خیراں
اوہنے جھولی گھتے اتھرو
عاجز اقبال
No comments:
Post a Comment
Note: only a member of this blog may post a comment.