جدید پنجابی شاعری
دکھ تکلیفاں سہہ گئی باپو
تک میں کلی رہ گئی باپو
تیرے باہجوں کون سہارا
اک اک ساہ وی لگے بھارا
پچھلی راتی ڈُب گیا تارا
ٹُردی ٹُردی بہہ گئی باپو
تک میں کلی رہ گئی باپو
دیندا نئیں کوئی پیار تسلی
سارے آکھن مینوں جھلی
وجے خطرے والی ٹلی
ہمت ساری ٹیہہ گئی باپو
تک میں کلی رہ گئی باپو
کھارا لگے مِٹھا پانی
آندی جاندی ہوا نمانی
مُکن والی پیار کہانی
میرے کن وچ کہہ گئی باپو
تک میں کلی رہ گئی باپو
بینا گوئندی
No comments:
Post a Comment
Note: only a member of this blog may post a comment.