رسولِ کریمؐ دی یاد وِچ شاعری
کیسے ہون گے گلی محلے کیہڑی طرّاں دِیاں راہواں
اندروں گھر کیسے ہوون گے کیسیاں باہرلیاں تھانواں
رونق اوہناں ہزاراں دی تے لوکاں دِیاں صداواں
دور دراز دیاں سفراں اندر ٹھہرن لئی سراواں
رات دِناں وِچ قافلے چلدے رُتاں دِیاں ہواواں
کوِیں میں ایڈا پینڈا کَٹ کے اوس سمے وِچ جانواں
کوِیں میں اوہ تصویراں کِھچ کے دُنیا کول لیاواں
کوِیں میں اَج دے شہراں نُوں اوہ حُسن دی جھلک وخاواں
شہر مبارک اوہناں دِناں دے سوہنیاں دُھپاں چھانواں
جنہاں چ پھریا شام سویرے احمدؐ دا پرچھانواں
منیر نیازی
