ایہناں نُوں سُفنیاں وِچ مِلنا ای چنگا رہندا اے
تھوڑی دیر دا ساتھ رہیا کسی دُھندلے شہر دے نقشے تے
کٹھے مِل کے پِھر دے رئے کِسے دُور دراز دے رَستے تے
بے پردہ استھاناں تے دو اُڈ دے ہوئے گیتاں دی طراں
غصے وِچ کدے لڑ دے ہوئے کدے لپٹے ہوئے رُکھاں دی طراں
اپنے اپنے راہ ٹُرے فیر انتاں دے میداناں وِچ
اپنے اپنے گھر نُوں جاندے دو نِکے بچیاں دی طراں
ہور کِسے دریا دے کنڈھے
ہور کِسے عالم وِچ
منیر نیازی
No comments:
Post a Comment
Note: only a member of this blog may post a comment.