مزدور
اَٹّھے پہر ہڑتال دا سُنڑ کے
رویا اِک مزدور
بے بس تے مجبور
پُکھے بچے ویکھ کے اپنڑے آنڈھ گوانڈ گئیا
اپنا درد کہیا
ہنجُو خالی جھولی پا کے
جا بیٹھا ہڑتالی چوک
پُکھ دا گَل وِچ پا کے طوق
خالی سڑکاں تکدا رہیا
خورے کی اوہ سوچدا رہیا
شام ڈھلی تے گولی چلی
وجی سینے آ
مُک گئے سارے پھاہ
پُکھے ڈِھڈ بیوی بچے
چِیکاں مار کے روئے
جِیویں سارے موئے
آنڈھ گوانڈھ نے اَگّے وَدھ کے چندہ کٹّھا کِیتا
دیگاں چاڑھیاں چول پکائے
اِک مزدور دے بچے لوکاں
اِنج رَجائے
محبوب الحسن
No comments:
Post a Comment
Note: only a member of this blog may post a comment.