اپنے سَنگ رَلائیں پیارے، اپنے سَنگ رَلائیں
پہلے نیونہہ لگایا سِی تیں، آپے چائیں چائیں
میں لایا کہ تُدھ لایا، اپنی اور نبھائیں
راہ پواں تاں دھاڑے بیلے، جنگل لَکھ بلائیں
بُکن چیتے چِت مچتے، بھوگن کرن ادائیں
ہول دِلے توں تَھر تَھر کَنبدا، بیڑا پار لنگھائیں
کر لے بندگی رَبّ سچےّ دی، پون قبول دُعائیں
بُلھے شاہ نُوں شوہ دا مُکھڑا، گھونگٹ کھول وکھائیں
اپنے سنگ سَنگ رَلائیں، اپنے سَنگ رَلائیں
بابا بلھے شاہ
