امبڑی نوں دَسّاں
چھٹّاں کیویں مائے ہُن دُکّھاں والے چَھج نی
آکھاں کِسے ہور جا کے، لگدی اے لَج نی
کِتّھے گئی ایں ٹُر مائے وَختاں چ چَھڈ کے
آ کے کدے ویکھ مینوں کر کوئی پَج نی
جِند ٹنگی سُولاں مائے دُھپ نیزے آئی اے
کل کل آخدے نیں کل کیہڑی ہونی ایں
آکھیں تے میں کر لواں کل نوں وی اَج نی
اپنے کہان مائے لوکاں کولوں گلّاں نی
سِہندی رہواں مائے دَس کیہڑے کیہڑے تَج نی
سُکیاں وی مائے تیرے ہتّھوں چُوری وانگ سَن
کھاہدا نیئوں جاندا تیرے باہج مائے رَج نی
ٹُٹّی میری گھاگری ویہڑے بیٹھی رونی آں
سئیاں پئیاں جاندیاں نی پانی بَھج بَھج نی
نزاکت علی عازم
No comments:
Post a Comment
Note: only a member of this blog may post a comment.