دل دی عینک لاویں ناں
اکھیاں گہنڑے پاویں ناں
اوتھے عشق دا ڈیرہ ای
ویکھ چنہاں ول جاویں ناں
ڈُبنڑ والے تر گئے نیں
پُھلاں نال جے رہنا ای
کنڈیاں توں گھبراویں ناں
فیر گواچے لبدے نئیں
میلے چھڈ کے جاویں ناں
سجے کھبے تیرا غم
بانہواں توڑ کے جاویں ناں
ایہہ تے رات دے اتھرُو نیں
خاباں دے وچ آویں ناں
دل دا کعبہ ڈھایا تُوں
ہُونڑ مسِیتی جاویں ناں
تاباںؔ ویلا کیدو ای
رُوپ دا دھوکھہ کھاویں ناں
عبدالقادر تاباں
