لچّھی کُڑی
کالی داتری چنن دا دستہ
تے لچھی کُڑی واڈھیاں کرے
اوہدے نیناں وِچ لَپ لَپ کجلہ
تے کنّاں وِچ کوکلے ہرے
جِویں ہوندی کمیاں تے کتے دی تریل نی
اوہدی ہتھ جیڈی لّمی دھون ویکھ کے
پیلاں پاؤنوں مور وی ڈرے
کالی داتری چنن دا دستہ
تے لچھی کُڑی واڈھیاں کرے
رنگ دی پیاری تے شرابی اوہدی ٹور نی
باگاں وِچوں لنگھدی نُوں لڑ جانے بھور نی
اوہدے والاں وِچ مسیا نُوں ویکھ کے
کِنّے چن ڈُب کے مرے
کالی داتری چنن دا دستہ
تے لچھی کُڑی واڈھیاں کرے
گورے ہتھیں داتری نے پایا اے ہنیر نی
وڈھ وڈھ لائی جاوے کنکاں دے ڈھیر نی
اوہنوں دُھپ وِچ بھکھدی نُوں ویکھ کے
بدلاں دے نین نیں بھرے
کالی داتری چنن دا دستہ
تے لچھی کُڑٰی واڈھیاں کرے
شو کمار بٹالوی
