ایتھے انقلاب آوے گا ضرُور
سَاڈیاں ہَتھاں دِیاں ریکھاں پَیراں نال مِیٹن والیو
او مخملاں تے ریشماں دے وِچ لیٹن والیو
او دو دو ہتھیں دولتاں نُوں اَج سمیٹن والیو
او لُٹے پُٹے ہویاں دی وی صف لَویٹن والیو
کر لوو کوٹھیاں وِچ چاننے کھو کے غریباں دے نُور
ایتھے انقلاب آوے گا ضرُور
تُسی کیہڑی لیکھنی نال ساڈے لیکھ لیکھنے چاہندے او
ساڈے بھراواں دے ہتھوں بھرا مَردے ویکھنا چاہندے او
ساڈیاں ہڈیاں دے بھانبڑ بَلدے سیکنے چاہندے او
کاہنوں حشر توں پہلاں پُھوکنے شروع کیتے جے صُور
ایتھے انقلاب آوے گا ضرُور
استاد دامن
