سارباناں، مہرباناں، راہیا
شالا جیویں خیر تھیوی ماہیا
آکھیں جا اُنہاں پیاریاں دِل جانیاں
گُوڑھے نیناں والیاں مستانیاں
لا پریتاں دے کے لارے اوہ گئے
اوہ گئے اوہ دِل دے پیارے اوہ گئے
سارا عالم صدقے آکھاں بول توں
واراں سر میں اُس انوکھڑے ڈھول توں
بِن تُساڈے ہِک گھڑی سو سال دی
بہہ ٹھکانے پئی تُساڈے بھال دی
اِک وِچھوڑا دُوجے طعنے جَگ دے
پیراں توں سِر تک المبے اَگ دے
بالدی ڈیوے پئی خانقاہاں تے
آؤندا ویکھاں ڈھول انہاں راہاں تے
چشماں فرش وچھاواں خاطر ڈھول دی
مرحبا یا مرحبا پئی بولدی
پہنچیں جد تو سوہنیاں دی جھوک تے
خیر ہووی انہاں نوں ذرا روک تے
جا سُنیہڑا دیویں اُنہاں جانیاں
گُوڑھے نیناں والیاں مستانیاں
بُھلدے نئیں اوہ بول مِٹھڑے ڈھول دے
بول سانول یار روہی رول دے
رات ساری گُزری تارے گِندیاں
یاد کر کر قول میزاں مِندیاں
پیر مہر علی شاہ
