اِک الف پڑھو، چھٹکارا اے
اِک الفوں دو تِن چار ہوئے
پِھر لکھ، کروڑ، ہزار ہوئے
پِھر اوتھوں باہجھ شُمار ہوئے
ایس الف کا نُکتہ نیارا اے
کیوں ہویائیں، شکل جلّاداں دی
کیوں پڑھنائیں، گَڈّھ کتاباں دی
سِر چانائیں پَنڈ عذاباں دی
اَگّے پَینڈا مُشکل بھارا اے
اِک الف پڑھو، چھٹکارا اے
بن حافِظ حِفظ قُرآن کریں
پڑھ پڑھ کے صاف زبان کریں
پر نِعمت وِچ دھیان کریں
من پِھردا جیوں ہلکارا اے
اِک الف پڑھو، چھٹکارا اے
بلھا! بِی بوڑھ دا بویا سی
اوہ برچھ وڈا جا ہویا سی
پِھر رہ گیا بِی اکارا اے
اِک الف پڑھو، چھٹکارا اے
بابا بلھے شاہ
