ایہہ پتر ہٹاں تے نہیں وکدے

ایہہ پتر ہٹاں تے نہیں وِکدے

ایہہ پُتر ہٹاں تے نئیں وِکدے، کی لَبھنی ایں وچ بازار کُڑے

ایہہ دَین وے میرے داتا دی، نا ایویں ٹکراں مار کُڑے

ایہہ پتر ہٹاں تے نہیں وِکدے

ایہہ پُتر وِکاؤ چیز نئیں، مُل دے کے جھولی پائیے نی

ایہہ ایڈا سستا مال نئیں، کِدوں جا کے منگ لیائیے نی

ایہہ سودا نقد وی نہیں مِلدا، تُو لبدی پھریں اُدھار کڑے

ایہہ پُتر ہٹاں تے نہیں وِکدے

ایہہ شیر بہادر غازی نیں، ایہہ کِسے کولوں وی ہَردے نئیں

اینہاں دشمناں کولوں کی ڈرنا، ایہہ موت کولوں وی ڈردے نئیں

ایہہ اپنے دیس دی عزت توں، جان اپنی دیندے وار کُڑے

ایہہ پُتر ہٹاں تے نہیں وِکدے

دھن بھاگ نیں اوہناں ماواں دے، جِنہاں ماواں دے ایہہ جائے نیں

دھن بھاگ نیں پہن بھراواں دے، جنہاں گودیاں وِیر کِھڈائے نیں

ایہہ آن نیں آناں والیاں دے، نئیں ایس دی تینوں ساڑ کُڑے

ایہہ پُتر ہٹاں تے نہیں وِکدے

ایہہ سودا نقد وی نہیں مِلدا، تو لَبدی پھریں ادھار کُڑے

ایہہ پتر ہٹاں تے نہیں وکدے، کی لبنی ایں وچ بازار کُڑے

ایہہ پُتر ہٹاں تے نہیں وِکدے

ایہہ دین اے میرے داتا دی، نا ایویں ٹکراں مار کُڑے

ایہہ پُتر ہٹاں تے نہیں وِکدے

ایہہ پُتر ہٹاں تے نہیں وِکدے

صوفی غلام مصطفیٰ تبسم