دل دا کی میں حال سُناواں
وِچ ہِجر دے گُھلدی جاواں
تیری یاد اِچ پاگل ہو کے
اپنا آپ وی بُھلدی جاواں
عشق دے پَیری گھنگھرُو پا کے
نَچ کے رُسیا یار مناواں
لوکی تیرے دیون طعنے
چُپ کیتی میں سُندی جاواں
تُوں تے ٹُر گئیوں چھڈ کے مینوں
دس میں تینوں کیویں بُھلاواں
تُوں ایں وَسداں رُوح اِچ میری
تیرے اُچ میں کیویں سماواں
آس تیرے آون دی لاء کے
سُولاں دے پئی گیت میں گاواں
مینوں اپنی باندی کر لے
میں تیرے پئی ترلے پاواں
رُتبہ شاہ دا لبھ نئیں سکدا
لکھ بُلھے دا بھیس وٹاواں
ربا یار ملا دے ہُن تے
میں کملی کتھے مر ای نا جاواں
شرر جی
