چَیتر آیا، چَیتر آیا
چار چُفیرے پُھل کِھِڑے نیں
خُوشبو سانُوں گھیرا پایا
چَیتر آیا، چَیتر آیا
رُکھاں تے کرومبلاں پُھٹیاں
دل وِچ نوِیاں سَدھراں اُٹھیاں
ماہی کُولا ہتھ پھڑایا
چَیتر آیا، چَیتر آیا
بھنورا کھیڈے پُھل دے اُتے
یار دا جوبن تُل دے اُتے
میِں سجن نُوں سِینے لایا
چَیتر آیا، چَیتر آیا
آس مِلن دی ٹُٹّی پئی سی
ہجر نیں جِندڑی لُٹّی پئی سی
رُتاں آ کے مَیل کرایا
چَیتر آیا، چَیتر آیا
چار چُفیرے پُھل کِھِڑے نیں
خُوشبو سانُوں گھیرا پایا
چَیتر آیا، چَیتر آیا
سرفراز انور صفی
